Далёкі тупат кананады.
Бягуць грымоты, як сланы.
Ідзём без строю, без каманды,
Пад балалайку ў тры струны.
Патроны. Антрацыт махоркі.
Адстаў прастуджаны баян
З абозамі. Скорагаворкі
Вясковай песні любы нам.
За ворагам мы будзем гнацца
З гранёнай ярасцю штыкоў.
«Сямёнаўну»
сержант Ігнацьеў
Вядзе з смаленскіх бальшакоў.
З-пад хвояў выступае вёска,
Салёна пахнуць палыны.
«Сямёнаўну»
спявае войска,
Нібы вяртаемся з вайны.
Спяваем мы, пакуль пяецца,
Спявае вецер і сасна;
Не ведаем, дзе абарвецца
Неадспяваўшая струна.
Сухі пясок, сухія гаці,
Сухі туман балтыйскіх вод.
На дзюны ўпаў сяржант Ігнацьеў,
Пад біўні зломленых грымот.
Чарнеюць спаленыя дзюны,
Чарнее глыба валуна.
Парваныя сцякаюць струны:
Сямёнаўна,
Іванаўна...
Яшчэ ў нас будзе гром і ціша,
Яшчэ не раз знямее ўзвод.
I хтосьці з нас, жывых, напіша
Свой рэквіем
праз дваццаць год.
Далёкі тупат кананады...
Катэгорыі вершаў
Лепшыя аўтары
4.1389244558259
Галасоў: 1562. Сярэдняя: 4.14
4.3890675241158
Галасоў: 622. Сярэдняя: 4.39
4.2034700315457
Галасоў: 634. Сярэдняя: 4.20
4.1581469648562
Галасоў: 626. Сярэдняя: 4.16
4.0344086021505
Галасоў: 465. Сярэдняя: 4.03
4.416403785489
Галасоў: 317. Сярэдняя: 4.42
4.28
Галасоў: 300. Сярэдняя: 4.28
4.160409556314
Галасоў: 293. Сярэдняя: 4.16
4.6626506024096
Галасоў: 249. Сярэдняя: 4.66
3.9455782312925
Галасоў: 294. Сярэдняя: 3.95
Раiм наведаць
Каб дадаць спасылку
на Ваш сайт, пiшыце ў
зваротную сувязь
Што шукалi?
-