Краіна мая, радасць мая,
Песня мая маладая!
Па нівах тваіх, па тваіх гаях
Сынава сэрца рыдае.
Ты часта прыходзіш ка мне, як сон.
Хмараю праплываеш,
Птушкай садзішся на ціхі клён,
Звонкім дажджом ападаеш.
Тады ўспамінаецца ўсё да драбніц,
Што звязана з родным краем, —
Як жыта шуміць, як агонь зарніц
На дне азёр дагарае.
Як летам спякотным за днямі дні
Ішлі па іржышчы калючым...
Мы ранілі ногі аб камяні,
I нам не было балюча.
I не было нічога ярчэй
За сонца на родным небе,
I не было нічога смачней
Матчынага хлеба.
Вада з прыдарожнага ручая
Была саладзей за мёд нам...
Краіна мая, маці мая,
Лёс твой цяжкі і гаротны!
Топча, катуе тваю зямлю
Вылюдак ашалелы.
Я кроў да апошняе кроплі пралью,
Каб толькі табе палягчэла.
Ні славы, ні скарбаў я не хачу,
Мне б толькі прыйсці непрыкметна,
Зямлю сваю пад нагамі адчуць,
Надыхацца родным паветрам.
Краіна мая
Катэгорыі вершаў
Лепшыя аўтары
4.1399361022364
Галасоў: 1565. Сярэдняя: 4.14
4.3900481540931
Галасоў: 623. Сярэдняя: 4.39
4.1899529042386
Галасоў: 637. Сярэдняя: 4.19
4.1581469648562
Галасоў: 626. Сярэдняя: 4.16
4.0320512820513
Галасоў: 468. Сярэдняя: 4.03
4.4137931034483
Галасоў: 319. Сярэдняя: 4.41
4.28
Галасоў: 300. Сярэдняя: 4.28
4.1598639455782
Галасоў: 294. Сярэдняя: 4.16
4.6626506024096
Галасоў: 249. Сярэдняя: 4.66
3.9455782312925
Галасоў: 294. Сярэдняя: 3.95
Раiм наведаць
Каб дадаць спасылку
на Ваш сайт, пiшыце ў
зваротную сувязь
Што шукалi?
-