Калі над радзімай пажары шугалі
I неба гуло ад грымот, —
Пад шумнымі соснамі мы прысягалі
Табе, беларускі народ!
За край свой забраны
Ішлі ў партызаны,
Збіраліся дружна на бой!
А гора народа кружыла над намі,
I ў кожнага рана свая.
Палямі, гаямі, ляснымі шляхамі
Праходзіла наша сям'я.
За здзекі, за раны
Сыны-партызаны
Выходзілі ворага біць.
I ў цёмныя ночы, і ў раннія росы
Ад нашых адважных засад
Лятуць пад адкос мерцвякі-паравозы
I трупы фашысцкіх салдат.
Масты узлятаюць,
Машыны знікаюць
Пад смелым агнём партызан.
У нашых паходах сцягі баявыя,
I помста — адзіны наказ.
Мы бачым, як маці, ад гора сівыя,
Выходзяць насустрач да нас.
Не плачце, матулі,
Мы ўсіх вас атулім
Надзейнаю ласкай сваёй.
Хай многа наперадзе смутку і болю
Не раз нам яшчэ сустракаць,
Біць ворагаў лютых,
Клянёмся,
Ніколі
Не стоміцца наша рука,
Пакуль не заграе
Вясна залатая
Над роднаю нашай зямлёй.
Партызанскі марш
Іншыя вершы аўтара
Катэгорыі вершаў
Лепшыя аўтары
4.1399361022364
Галасоў: 1565. Сярэдняя: 4.14
4.3900481540931
Галасоў: 623. Сярэдняя: 4.39
4.1899529042386
Галасоў: 637. Сярэдняя: 4.19
4.1581469648562
Галасоў: 626. Сярэдняя: 4.16
4.0320512820513
Галасоў: 468. Сярэдняя: 4.03
4.4137931034483
Галасоў: 319. Сярэдняя: 4.41
4.28
Галасоў: 300. Сярэдняя: 4.28
4.1593220338983
Галасоў: 295. Сярэдняя: 4.16
4.6626506024096
Галасоў: 249. Сярэдняя: 4.66
3.9455782312925
Галасоў: 294. Сярэдняя: 3.95
Раiм наведаць
Каб дадаць спасылку
на Ваш сайт, пiшыце ў
зваротную сувязь
Што шукалi?
-