Напілася зязюля сцюдзёнай расы
I хацела ляцець да сябе у лясы,
Толькі я папрасіў: «Не ляці, пачакай,
Сумна мне, закувай».
«Што ж, не цяжка мне, хлопча, табе зваражыць,
Хочаш — праўду скажу, колькі будзеш ты жыць.
Загадай».
«Ну, пра гэта я ведаю сам:
Пакуль сэрца ад гневу святога гарыць,
Пакуль куля у дуле нагана ляжыць —
Буду жыць».
«Запытайся тады пра нявесту сваю —
Цераз колькі гадоў ты сустрэнешся з ёй,
А ці хутка вясельную песню спяюць
Для тваёй маладой».
«I пра гэта не варта мне думаць-гадаць:
Да нявесты каханай рукою падаць.
Дай вось толькі прагнаць чужаніц
Ад шырокіх дарог, ад блакітных крыніц,
Каб пазваць на вяселле я мог землякоў,
Каб мы жыць распачалі ля родных дуброў...
Ты, зязюля, мне лепш сягоння скажы,
Колькі нашых сяброў у магілах ляжыць,
Колькі выбіта ніў, колькі спалена хат,
Колькі вытаптаў кветак раз'юшаны кат?»
«Многа прыйдзецца, хлопча, табе сумаваць,
Цяжка раны радзімай зямлі залячыць.
Ад зары да зары
Цэлы месяц куваць
І ўсяго не злічыць, не злічыць».
«Што ж, я сам падлічу
I за ўсё адплачу!»
Ты скажы мне, зязюля...
Катэгорыі вершаў
Лепшыя аўтары
4.1399361022364
Галасоў: 1565. Сярэдняя: 4.14
4.3900481540931
Галасоў: 623. Сярэдняя: 4.39
4.1912225705329
Галасоў: 638. Сярэдняя: 4.19
4.1594896331738
Галасоў: 627. Сярэдняя: 4.16
4.0298507462687
Галасоў: 469. Сярэдняя: 4.03
4.4137931034483
Галасоў: 319. Сярэдняя: 4.41
4.28
Галасоў: 300. Сярэдняя: 4.28
4.1621621621622
Галасоў: 296. Сярэдняя: 4.16
3.9491525423729
Галасоў: 295. Сярэдняя: 3.95
4.6626506024096
Галасоў: 249. Сярэдняя: 4.66
Раiм наведаць
Каб дадаць спасылку
на Ваш сайт, пiшыце ў
зваротную сувязь
Што шукалi?
-